Шаховски успех за Марко Стојановиќ од VIII-1

УШТЕ ЕДЕН ГОЛЕМ ШАХОВСКИ УСПЕХ НА НАШИОТ МАРКО!

Со голема радост и гордост го споделуваме новиот успех на нашиот ученик Марко Стојановиќ од VIII-1 одделение, член на Шаховскиот клуб Алкалоид и национален шампион за 2025 година во категоријата У12.

Од 5 до 8 септември, Марко учествуваше на меѓународниот младински шаховски турнир „Lake Queen“ во Струга, каде што настапи во заедничката конкуренција У14 и У16.

Според рејтинг-поените, Марко го започна турнирот како прворангиран шахист, а со одлична игра и успешни партии ја задржа водечката позиција до самиот крај.

По завршувањето на турнирот, Марко го освои ПРВОТО МЕСТО!

Овој успех е уште една потврда за неговата посветеност, истрајност, талент и љубов кон шахот.

Му честитаме на Марко за извонредниот резултат и му посакуваме уште многу успешни партии, нови титули и големи шаховски успеси!

Браво, Марко! Горди сме на тебе!